நீங்கள் தேடியது "பொன். ராதாகிருஷ்ணன்"

கன்னியாகுமரி:

முன்னாள் மத்திய மந்திரி பொன். ராதாகிருஷ்ணன் கன்னியாகுமரியில் நிருபர்களுக்கு பேட்டி அளித்தார். அப்போது அவர் கூறியதாவது:-

நடைபெறும் பாராளுமன்ற தேர்தலில் தேசிய ஜனநாயக கூட்டணி தமிழகத்தில் 39 தொகுதிகளிலும் வெற்றி பெறும். பிரதமர் மோடி தமிழக முழுவதும் சுற்றுப்பயணம் மேற் கொண்டு வருகிறார்.

கன்னியாகுமரி பாராளுமன்ற தொகுதியில் பிரசாரம் செய்வதற்காக நாளை மறுநாள் வருகிறார். இங்கு நடைபெறும் பொதுக்கூட்டத்தில் அவர் கலந்து கொள்கிறார். பிரதமர் வருகையின் மூலமாக கன்னியாகுமரி தொகுதியின் வெற்றி உறுதிப்படுத்தும் வகையில் அமைந்துள்ளது.

பிரதமர் மோடி 18-ந் தேதி சேலத்தில் நடைபெறும் நிகழ்ச்சியிலும், 19-ந் தேதி கோவையில் நடைபெறும் நிகழ்ச்சிகளும் கலந்து கொள்கிறார். சமத்துவ மக்கள் கட்சி பாரதிய ஜனதா கட்சியுடன் இணைந்ததை வரவேற்கிறேன்.

பிரதமர் மோடி ஆளுமையை ஏற்று வரும் அனைத்து கட்சிகளையும் நாங்கள் வரவேற்கிறோம். எந்த ஒரு கட்சியாக இருந்தாலும் சரி. மூன்றாவது முறையாக பிரதமர் மோடி வர வேண்டும் என்று ஆதரவு தெரிவிப்பவர்களை நாங்கள் வரவேற்கிறோம்.

தமிழகத்தை பொறுத்த மட்டில் தி.மு.க.வை மிஞ்சும் அளவில் தேசிய ஜனநாயக கூட்டணி உள்ளது. கடந்த 10 ஆண்டுகளாக பாரதிய ஜனதா கட்சி பல்வேறு சாதனைகளை செள்துள்ளது. அயல்நாட்டு தொடர்பு முதல் அடித்தட்டு மக்கள் வரை பல்வேறு வளர்ச்சிகளை செய்துள்ளது.

கோடிக்கணக்கான திட்டங்களை நாட்டுக்கு பிரதமர் மோடி அர்ப்பணித்துள்ளார். இந்த தேர்தலை பொருத்தமட்டில் மீண்டும் மோடி வேண்டும் மோடி என்ற கொள்கையின் அடிப்படையில் தேர்தலை சந்திக்க உள்ளோம்.

விளவங்கோடு சட்டசபை தொகுதியில் பா.ஜனதா சார்பில் விஜயதரணி போட்டியிடுவாரா? என்பது குறித்து தேர்தல் அறிவிக்கபட்ட பிறகு தலைமை முடிவு செய்யும்.

இவ்வாறு அவர் கூறினார்.

நாகர்கோவில்:

முன்னாள் மத்திய மந்திரி பொன். ராதாகிருஷ்ணன் வெளியிட்டுள்ள அறிக்கை யில் கூறி இருப்பதாவது:-

கன்னியாகுமரி மாவட்டத் தின் பிரதான சாலையாக இருக்கும் காவல்கிணறு- திருநெல்வேலி, ஆரல்வாய் மொழி-நாகர்கோவில் வழி யாக திருவனந்தபுரம் செல் லும் தேசிய நெடுஞ்சாலையில் போக்குவரத்து நெருக்கடி ஏற்பட்டு வந்தது.

இதனை உணர்ந்து, இருக் கின்ற தேசிய நெடுஞ்சாலை என்.எச்.47-க்கு மாற்றாக புதிய தேசிய நெடுஞ்சாலை நான்கு வழிச்சாலையாக அமைக்க திட்டமிட்டு முன் னாள் பிரதமர் வாஜ்பாய் அரசின் அனுமதியும் பெற்று, சாலைக்கான முழு விவரமான திட்ட அறிக்கை தயாரிக்க ஏற்பாடு செய் தேன். ஆனால் 2004-ம் ஆண்டு நடந்த பாராளுமன்ற தேர்தலில் நான் வெற்றி வாய்ப்பை இழந்தேன். அதன் பின்னால் வந்த காங் கிரஸ் அரசு இந்த திட்டத்தை கிடப்பில் போட்டு இருந்தது.

2014-ம் ஆண்டு மீண்டும் வெற்றி பெற்று வந்தபோது, பிரதமர் நரேந்திர மோடி மீணடும் என்னை சாலை போக்குவரத்து துறை இணை அமைச்சராக ஆக்கி னார். கோமா நிலையில் பத்தாண்டு காலம் கிடப்பில் கிடந்த நான்கு வழிச்சாலை பணிகள் மீண்டும் ரூ.4 ஆயிரம் கோடி திட்ட மதிப்பில் முடுக்கி விடப்பட் டன. நிலம் கையகப்படுத்து தல், சாலை அமைத்தல் போன்ற அனைத்தும் ஜெட் வேகத்தில் நிறைவேற ஆரம் பித்தன.

இந்நிலையில் 2019-ஆம் ஆண்டு நடைபெற்ற பாராளுமன்ற தேர்தலில் மீண்டும் வெற்றி வாய்ப்பை இழந்தேன். ஆனால் மத்தியில் மீண்டும் ஆட்சி அமைத்த நரேந்திர மோடி தலைமையிலான அரசு இந்தத் திட்டத்தை துரிதமாக முடிக்க திட்டமிட்டார்கள்.ஆனால் மாநில அரசு இத் திட்டத்திற்காக கொடுக்க வேண்டிய மண், மணல், ஜல்லி போன்ற பொருட் களை கொடுக்காமல் வேலையை நிறுத்துவதில் ஆர்வம் காட்டினார்கள். இந்தச் சாலை அமைக்கப் படக்கூடாது என திட்டமிட்டு 2019 ஏப்ரல் 22-ந்தேதி மதுரை உயர்நீதி மன்றக்கிளையில் வழக் குப்பதிவு செய்யப்பட்டது.

இந்நிலையில் இத்திட்டத் தை நிறைவேற்றும் வகையில் ஒப்பந்தம் எடுத்த நிறுவனத்தை சேர்ந்தவர்கள் சாலை அமைக்க ஜல்லி, மணல் போன்ற கனிமப் பொருட்கள் கிடைக்காத காரணத்தால் திட்டத்தை கைவிட்டு விட்டு சென்றனர். தற்போது மீண்டும் இந்த திட்டத்தை செயல் வடிவத் திற்கு கொண்டு வந்து நிறை வேற்றுவதற்கான ஆரம்ப நிலையிலிருந்து இப்பணியை தொடங்குவதற்கு அனைத்து ஏற்பாடுகளும் செய்தாக வேண்டும். இதனை மத்திய சாலை போக்குவரத்து அமைச்சர் நிதின் கட்கரியை நேரில் சந்தித்து முறையிட்டேன். இத்திட்டத் திற்கான முழு ஒத்துழைப் பையும் தர பிரதமர் நரேந்திர மோடி அரசு தயாராக உள்ளது என நிதின் கட்கரி தெளிவுபடுத்தினார்.

எனவே இத்திட்டம் கூடிய விரைவில் தொடங்கப்பட்டு பணிகள் முடிக்கப்படும் என்று நம்புகிறேன். இப்பணியை முடிக்க முழு வீச்சில் தொடர்ந்து செயல்படுவேன் என்பதை தெரிவித்துக் கொள்கிறேன்.

இவ்வாறு அவர் தெரிவித்துள்ளார்.

நாகர்கோவில்:

மத்திய மந்திரி பொன்.ராதாகிருஷ்ணன் இன்று நாகர்கோவிலில் நிருபர்களுக்கு பேட்டி அளித்தார். அப்போது அவர் கூறியதாவது:-

குமரி மாவட்டத்தில் மேற்கொள்ளப்பட வேண்டிய வளர்ச்சி திட்டங்கள், நபார்டு வங்கி மூலம் மேற்கொள்ளப்பட வேண்டிய திட்டங்கள் என்ன என்பது பற்றி ஆலோசனை மேற்கொண்டு வருகிறோம்.

மீனவர்கள் வாழ்வாதாரத்திற்கு துறைமுகம் அமைக்க வேண்டும். மலைவாழ் மக்களின் அடிப்படை வசதிகள் மேம்படுத்தப்பட வேண்டும். நெல், வாழை, தென்னை, ரப்பர் பயிர்கள் மேம்பாடு அடைய என்ன நடவடிக்கைகள் எடுக்கலாம் என்றும் ஆலோசனை நடந்து வருகிறது.

குமரி மாவட்டத்தில் ஒவ்வொரு வீடும் ஒரு தொழிற்சாலையாக மாற வேண்டும். குமரி மாவட்டத் தில் மூலிகை பண்ணை அமைப்பது பற்றி பரிசீலனை நடந்து வருகிறது.

தமிழக அமைச்சர் கடம்பூர் ராஜு பேசிய பேச்சில் எனக்கு உடன்பாடு இல்லை. அவர் நாகரீகமான நல்ல மனிதர். அவர் வாயில் இருந்து அப்படிப்பட்ட வார்த்தை வந்திருக்கக்கூடாது. தற்போது அவர் தனது பேச்சுக்கு வருத்தம் தெரிவித்து உள்ளார். அதற்காக அவரை பாராட்டுகிறேன்.

பாரதீய ஜனதா மாநில தலைவர் குழந்தைபோல பேசுவதாக துரைமுருகன் கூறி உள்ளார். குழந்தையாக இருப்பதில் தவறு இல்லை. குழப்பவாதியாகத்தான் இருக்கக்கூடாது. தமிழகத்தில் தி.மு.க.வினர் நடத்திய போராட்டம் அவர்கள் தங்களுக்கு எதிராகவே நடத்திய போராட்டம் ஆகும்.

எடப்பாடி பழனிச்சாமியின் ஆட்சி சில நாட்களுக்குள் கவிழ்ந்துவிடும் என்று மு.க.ஸ்டாலின் ஆரூடம் கூறி வருகிறார். கிளி ஜோசியமே பலிக்காது. எனவே அவர் ஆரூடம் கூறுவதை நிறுத்த வேண்டும். தமிழகத்தின் முன்னேற்றத்திற்கு என்ன செய்ய வேண்டும் என்று பேச வேண்டும்.

மணல் கொள்ளையில் ஈடுபடுபவர்கள் மீது கடும் நடவடிக்கை எடுக்க வேண்டும். அவர்களை கைது செய்து ஜெயிலில் அடைக்க வேண்டும். குமரி மாவட்டத்தில் இ.எஸ்.ஐ. ஆஸ்பத்திரி அமைக்க முயற்சி மேற்கொண்டு வருகிறோம். அதற்கு நிலம் தேர்வு செய்து கொடுப்பது மாநில அரசின் பொறுப்பு.

ஆசாரிப்பள்ளத்தில் இதற்காக 2½ ஏக்கர் நிலம் வழங்கப்பட்டு உள்ளது. ஆனால் ஆஸ்பத்திரி அமைக்க 5 ஏக்கர் நிலம் தேவை. மீதி உள்ள 2½ ஏக்கர் நிலத்தை மத்திய அரசு 21 கோடி கொடுத்து வாங்க தயாராக உள்ளது. ஆனால் மாநில அரசு இடம் தர வில்லை.

இவ்வாறு அவர் கூறினார்.

பேட்டியின்போது பாரதீய ஜனதா மாவட்ட தலைவர் முத்துகிருஷ்ணன் உடன் இருந்தார். #ponradhakrishnan #mkstalin #edappadipalanisamy

கோவை:

கோவை இந்திய தொழில் வர்த்தக சபை கட்டிடத்தில் தொழில் துறையினர் கலந்தாலோசனை கூட்டம் நடைபெற்றது. இதில் மத்திய மந்திரி பொன். ராதாகிருஷ்ணன் கலந்து கொண்டார். இந்தியாவில் தமிழகத்தில் ஒட்டு மொத்த தொழில் வளர்ச்சி மேற்கு மாவட்டம் மூலம் தான் வருகிறது. தனியார் மூலம் 75 சதவீத வளர்ச்சி இங்கு இருந்து தான் வருகிறது.

ஆனால் தமிழகத்தில் எந்த முன்னேற்றமும் வரக்கூடாது என பல அமைப்புகள் முயற்சி செய்து வருகிறது. குறிப்பாக சேலம்-சென்னை பசுமை வழிசாலை வரக்கூடாது என போராட்டம் நடத்தி வருகிறார்கள்.

தமிழகத்தின் ஒட்டு மொத்த வளர்ச்சி மேற்கு மாவட்டத்தில் இருந்து வருகிறது. இந்த சாலை திட்டத்தை தடுத்தால் தமிழகத்தின் வளர்ச்சியை தடுத்து விடலாம். தமிழகம் முன்னேற கூடாது என போராட்டம் நடத்தி வருகிறார்கள்.

பிரதமர் மோடி தமிழகத்தை வளர்ச்சி பாதையில் கொண்டு செல்ல பல்வேறு திட்டங்களை கொண்டு வருகிறார். விமான நிலையம், ரெயில் சாலை, கட்டுமான பணிகள் என எல்லா வகை திட்டங்களும் வழங்கப்பட்டு வருகிறது.

தமிழகத்தில் எல்லா சாலைகளும் போடப்பட்டு வருகிறது. ரூ. 600 கோடி செலவில் கோவை-பொள்ளாச்சி சாலை பணி நடைபெற்று வருகிறது.

உங்களுக்கு என்ன தேவைகள் என என்னிடம் கேட்டால் உங்களுடன் இருந்து செய்து தருகிறேன். இந்தியாவில் 4 இடங்களில் பஸ்போர்ட் அமைக்கப்பட உள்ளது. அதில் கோவையும் ஒன்றாகும்.

கோவையில் பஸ்போர்ட் அமைக்க இடம் தேர்வு செய்யப்பட்டு வருகிறது. இங்கு பஸ்போர்ட் அமைந்தால் சுற்று வட்டாரத்தை சேர்ந்த 4 மாவட்டங்கள் முன்னேற்றம் அடையும்.

வடகோவை ரெயில் நிலையத்தை மேம்படுத்த ரெயில்வே மந்திரியிடம் கோரிக்கை வைத்துள்ளேன்.

கோவைக்கு வந்த 6 ஜெட் விமானங்கள் ரத்து செய்யப்பட்டு உள்ளது. இதுபோல் மதுரைக்கு வரும் 4 ஜெட் விமானங்களும் ரத்து செய்யப்பட்டு உள்ளது. இதற்கு மாற்று ஏற்பாடு செய்து உள்ளேன்.

கோவை விமான நிலைய விரிவாக்கம் குறித்து முதல்-அமைச்சர் எடப்பாடி பழனிசாமியிடம் பேசிய போது நிலம் கையகப்படுத்தும் பணி நடைபெற்று வருவதாக கூறினார்.

மேற்கு மாவட்ட வளர்ச்சியால் தான் தமிழக வளர்ச்சி அமையும். இங்குள்ள தொழில் அதிபர்கள் கன்னியாகுமரி, ராமநாதபுரம் மாவட்டங்களில் தொழில் தொடங்க முன்வர வேண்டும். அதற்கான எந்த உதவியும் செய்து தர தயாராக உள்ளேன்.

ராணுவ தளவாடங்கள் தயாரிக்க நிதி ஒதுக்கப்பட்டு உள்ளது. இது சம்பந்தமாக ராணுவ மந்திரியிடம் கூட்டம் நடத்தி கோவையில் ராணுவ தளவாடங்கள் தயாரிக்கும் தொழிற்சாலை கொண்டு வர நடவடிக்கை எடுக்கப்படும்.

இவ்வாறு அவர் பேசினார்.

கூட்டத்தில் பாரதீய ஜனதா தேசிய பொது செயலாளர் முரளிதரராவ், இந்திய தொழில் வர்த்தக சபை தலைவர் வனிதா மோகன், கொடிசியா தலைவர் சுந்தரம், கயிறு வாரிய தலைவர் சி.பி. ராதாகிருஷ்ணன், பாரதீய ஜனதா மாநில பொது செயலாளர் வானதிசீனிவாசன், ரவிசாம் மற்றும் தொழில் துறையினர் கலந்து கொண்டனர். #ponradhakrishnan

நாகர்கோவில்:

தி.மு.க. செயல் தலைவர் மு.க.ஸ்டாலின் ஸ்ரீரெங்கம் ரெங்கநாதர் கோவிலுக்கு சென்றார். ரெங்கா ரெங்கா கோபுரம் அருகே அவருக்கு வரவேற்பு கொடுக்கப்பட்டது.

தேர்தல் வெற்றிக்காக ஸ்ரீரெங்கம் கோவிலில் சுக்கிரயாகம் நடத்தியதாக தகவல்கள் பரவியது.

இதுபற்றி மத்திய மந்திரி பொன்.ராதாகிருஷ்ணன் கூறியதாவது:-

ரெங்க நாதருக்கு சாத்தப்பட்ட மாலைகள் அணிவிக்கப்பட்டதோடு, ரெங்கநாயகி அம்மையாருக்கான பிரசாதம், மு.க. ஸ்டாலின் நெற்றியில் பூசப்பட்டுள்ளது. இதை மு.க. ஸ்டாலின் அழித்திருக்கிறார். இது மிகவும் வருந்தத்தக்க செயல்.

நெற்றியில் இடப்பட்ட மத அடையாளத்தை ஸ்டாலின் அழித்ததை ஏற்க முடியாது. இது தெய்வதிற்கு இழைக்கப்பட்ட அவமானம். இதற்காக மு.க. ஸ்டாலின் பகிரங்க மன்னிப்பு கேட்க வேண்டும்.

நெற்றியில் இடப்பட்ட அடையாளத்தை ஸ்டாலின் அழித்தபோது அதை பார்த்த பூசாரிகள், பட்டர்கள் அதற்கு எதிர்ப்பு தெரிவிக்காதது ஏன்? யாரை நம்ப வைக்க அவர், இந்த வேடம் போடுகிறார்.

மு.க.ஸ்டாலின் மத அடையாளத்தை அழித்ததால் இனி அவரை எந்த கோவிலுக்குள்ளும் அனுமதிக்கக்கூடாது. இதற்கான பட்டியலில் அவரது பெயரையும் சேர்க்க வேண்டும்.

மேலும் ஸ்டாலினை கோவிலுக்குள் அனுமதிக்க காரணமாக இருந்த அதிகாரிகள் மீதும் நடவடிக்கை எடுக்க வேண்டும். பெரியார் கூட குன்றக்குடி அடிகளார் திருநீறு அணிவித்தபோது அதை அழிக்கவில்லை. தெய்வ நம்பிக்கை இல்லையென்று பகிரங்கமாக கூறியவர் கூட இதுபோன்ற செயலை செய்யவில்லை.

ஸ்ரீரங்கம் கோவிலுக்குள் ஸ்டாலின் செய்த தவறுக்காக அங்குள்ள சாமிக்கு பரிகார பூஜை செய்ய வேண்டும். இதுபற்றி அறநிலையத்துறை அதிகாரிகள் விளக்கம் அளிக்க வேண்டும். ஆகம விதிகள் மீறப்பட்டதா? என்பதையும் விளக்க வேண்டும்.

இவ்வாறு அவர் கூறினார். #ponradhakrishnan #mkstalin

நாகர்கோவில்:

மத்திய மந்திரி பொன்.ராதாகிருஷ்ணன் இன்று மண்டைக்காடு பகவதி அம்மன் கோவிலுக்கு சென்றார். அங்கு சாமி தரிசனம் செய்த அவர் நிருபர்களிடம் கூறியதாவது:-

தமிழகத்தில் கோவில்கள் அனைத்தும் மார்க்கெட்டுகளாக மாற்றப்பட்டு உள்ளது. பக்தர்கள் வசதியாக சாமி தரிசனம் செய்ய எந்த வசதியும் இல்லை.

மதுரை கோவிலில் தீ விபத்து, திருச்செந்தூர் கோவிலில் கட்டிட விபத்து போன்ற சம்பவங்களுக்கு பிறகு கோவிலை சுற்றி கடைகள் இருக்க கூடாது என்று அறிவித்த பின்பும் மண்டைக்காட்டில் அது கடைபிடிக்கப்பட வில்லை.

கோவிலில் புதிது புதிதாக வழிபாடுகள் நடக்கிறது. கோவில்களை தேவசம் நிர்வாகம் வியாபார தலமாக மாற்றியுள்ளது. கோவிலில் ஏற்கனவே நடந்த வழிபாடுகள் மட்டும் தான் நடக்க வேண்டும். இதற்காக பக்தர்கள் போராட முடிவு செய்துள்ளனர். இங்கு இன்னும் ஒரு மாதத்தில் கோவிலை சுற்றியுள்ள கடைகளை அகற்ற வேண்டும். தமிழக அரசு இதற்கான நடவடிக்கைகளை எடுக்க வேண்டும்.

தமிழகத்தில் பயங்கரவாதிகள் இருக்கிறார்கள் என்பதை கூறுவதற்கு யாரிடமும் அனுமதி வாங்கவேண்டியதில்லை. நான் தமிழகத்தில் தான் இருக்கிறேன். முதல்வர், போலீஸ் உயர் அதிகாரிகளும் இது குறித்து பேசியுள்ளனர்.

தமிழகத்தில் பயங்கர வாதிகளை ஒடுக்க மாநில அரசு கேட்டுக்கொண்டால் மத்திய அரசு உதவும். இச்சம்பவம் தொடர்பாக ஏற்கனவே கைது செய்யப்பட்டவர்களில் ஒருவரை கூட மாநில அரசு கைது செய்யவில்லை. மத்திய அரசின் துறைகள் தான் கைது செய்துள்ளன.

அரசு செய்யும் தவறுகளை தி.மு.க. சட்டசபையில் பேசுவதில்லை. கருணாநிதி எதிர்கட்சி தலைவராக 5 முறை இருந்துள்ளார். அப்போது ஆளும்கட்சியினர் அவர் என்ன பேச போகிறார் என்று அஞ்சியிருந்தனர். ஆனால் தற்போது மு.க.ஸ்டாலின் சட்டமன்றத்திற்கு வந்தாலும், அவர் வந்ததும் போய்விடுவார் என்று ஆளும் கட்சியினருக்கு நம்பிக்கை வந்துள்ளது. ஆளும் கட்சியை கேள்வி கேட்க வேண்டிய பிரதான எதிர்கட்சியான தி.மு.க. இந்த நிலைக்கு தாழ்ந்து விட்டது கவலை அளிக்கிறது.

பெட்ரோல், டீசல் விலை உயர்வுக்கு எண்ணை நிறுவனங்களே காரணம். இதன் விலையை எண்ணை நிறுவனங்கள் நிர்ணயித்து கொள்ளலாம் என முன்பு பொது மக்கள்தான் கேட்டுக்கொண்டனர். இப்போது மத்திய அரசு மீது அவர்கள் பழி போடுகிறார்கள்.

குமரி மாவட்டத்தில் துறைமுகத்திட்டத்திற்கு எதிர்ப்பு தெரிவிப்பதிலும் பயங்கரவாதிகளின் ஊடுருவல் உள்ளது.

இவ்வாறு அவர் கூறினார்.

முன்னதாக திண்டுக்கல் மாவட்டம் கொடைக்கானல் பஞ்சாயத்து முன்னாள் அ.தி.மு.க. தலைவர் ஐயா தேவர் பொன். ராதாகிருஷ்ணனுக்கு பொன்னாடை போர்த்தி பாரதீய ஜனதா கட்சியில் இணைந்தார். #mkstalin #ponradhakrishnan #tnassembly

தஞ்சாவூர்:

பா.ஜனதா சார்பில் உழவனின் உரிமை மீட்பு பொதுக்கூட்டம் தஞ்சையில் நேற்று நடந்தது. கூட்டத்திற்கு சட்டசபை தொகுதி அமைப்பாளர் ரெங்கராஜன் தலைமை தாங்கினார். மாவட்ட செயலாளர் ஜெய்சதீஷ் வரவேற்றார். மாநில பொதுச் செயலாளர்கள் வானதி சீனிவாசன், கருப்பு முருகானந்தம், மாநில செயலாளர்கள் புரட்சி கவிதாசன், வேதரெத்தினம், கோட்ட பொறுப்பாளர் வரதராஜன் ஆகியோர் பேசினர்.

கூட்டத்தில் மத்திய மந்திரி பொன்.ராதாகிருஷ்ணன் கலந்து கொண்டு பேசினார். அவர் பேசும்போது, ‘‘150 ஆண்டு கால காவிரி பிரச்சினைக்கு நிரந்தர தீர்வை ஏற்படுத்திய பிரதமர் மோடியை டெல்டா மண்ணிற்கு அழைத்து விவசாயிகள் பாராட்டு விழா நடத்த வேண்டும். அதற்காக அனைத்து விவசாய சங்கங்களும் தீர்மானம் நிறைவேற்ற வேண்டும். பா.ஜனதா கட்சி சார்பில் மிக பிரமாண்டமான அளவில் பிரதமர் மோடிக்கு பாராட்டு விழா நடத்தப்படும்’’

இவ்வாறு அவர் கூறினார்.

முன்னதாக மத்திய மந்திரி பொன்.ராதாகிருஷ்ணன் தஞ்சையில் நிருபர்களிடம் கூறியதாவது:-

சுதந்திரத்திற்கு பிறகு நம் நாட்டை பிரதமர் நரேந்திர மோடி உலக அளவில் உயர்த்தி காட்டி இருக்கிறார். 150 ஆண்டுகளாக தீர்க்கப்படாமல் இருந்து வந்த காவிரி பிரச்சினைக்கு சரியான முறையில், உரிய நேரத்தில் நிரந்தர தீர்வை பிரதமர் மோடி ஏற்படுத்தி இருக்கிறார்.

தமிழகத்திற்கு தண்ணீர் தரமாட்டேன் என்று கூறியவர்களை கர்நாடகத்தில் மீண்டும் ஆட்சியில் அமர வைத்துள்ளனர். 50 ஆண்டுகளாக காவிரி பிரச்சினையில் திராவிட இயக்கங்கள் துரோகங்கள் செய்தன. இவற்றை எல்லாம் முறியடித்து பிரதமர் மோடி தீர்வை ஏற்படுத்தி இருக்கிறார். தமிழர்கள் அனைவரும் பிரதமருக்கு நன்றி உணர்வுடன் இருக்க வேண்டும்.

குறுவை சாகுபடிக்காக ஜூன் 12-ந் தேதிக்குள் காவிரி தண்ணீர் தமிழகத்திற்கு வர வேண்டும். அப்படி இல்லையென்றால் 50 ஆண்டுகளாக ஆட்சி செய்த திராவிட இயக்கத்தினர் கர்நாடகத்திற்கு சென்று தண்ணீரை பெற்று தர நடவடிக்கை எடுக்க வேண்டும்.

இவ்வாறு அவர் கூறினார்.

பொள்ளாச்சி:

பொள்ளாச்சி உடுமலை சாலையில் உள்ள அமுதசுரபி ஹாலில் பா.ஜ.க.வின் மாநில செயற்குழு கூட்டம் இன்று நடந்தது. இதில், மத்திய மந்திரி பொன்.ராதாகிருஷ்ணன், தேசிய பொதுச்செயலாளர் பூபேந்திரயாதவ், தேசிய செயற்குழு உறுப்பினர் இல.கணேசன், மாநில தலைவர் தமிழிசை சவுந்திரராஜன், அகில இந்திய கயிறு வாரியத்தலைவர் சி.பி.ராதாகிருஷ்ணன், தேசிய செயலாளர் எச்.ராஜா, அமைப்பு செயலாளர் கேசவவிநாயகம், கோவை தெற்கு மாவட்ட தலைவர் முத்துராமலிங்கம் உள்ளிட்ட பல முக்கிய நிர்வாகிகள் பங்கேற்றனர். 

கூட்டத்துக்கு கட்சியினரை தவிர வேறு யாரும் அனுமதிக்கப்படவில்லை.

தஞ்சாவூர்:

தஞ்சையில் மத்திய மந்திரி பொன்.ராதாகிருஷ்ணன் நிருபர்களுக்கு இன்று பேட்டி அளித்தார். அப்போது அவர் கூறியதாவது:-

விவசாயிகளின் பிரச்சினையை தீர்க்க கர்நாடகாவில் எடியூரப்பா முதல்வராக பொறுப்பேற்றது மட்டற்ற மகிழ்ச்சி. மீண்டும் எடியூரப்பா முதல்வராக பதவியேற்றது கர்நாடக விவசாயிகளுக்கு அடிதட்டாகவும், மக்களுக்கு பக்க பலமாகவும் அமைந்துள்ளது. இனி கர்நாடக மக்களுக்கு நல்ல வாழ்க்கையை அவர் ஏற்படுத்தி கொடுப்பார்.

இந்த வெற்றியை பெற்று தந்த பிரதமர் மோடி, அமித்ஷாவுக்கு பாராட்டுகளையும், நன்றியையும் தெரிவித்துக்கொள்கிறோம்.

பா.ஜனதா தனி ஒரு கட்சியாக அதிக இடங்களில் வெற்றி பெற்றுள்ளதால் எடியூரப்பாவை ஆட்சி அமைக்க கவர்னர் அழைத்துள்ளார். வேறு யாருக்கு அழைப்பு கொடுக்க முடியும்? எடியூரப்பாவுக்கு கவர்னர் 15நாள் அவகாசம் கொடுத்தது சரியான நடைமுறைதான்.

கர்நாடக முதல்வராக பொறுப்பேற்ற எடியூரப்பா ரூ.56 ஆயிரம் கோடி விவசாயிகள் கடன்களை தள்ளுபடி செய்தது அவரது முதல் பெரிய முயற்சியாகும். பா.ஜனதா ஆட்சி எங்கெல்லாம் நடக்கிறதோ அங்கெல்லாம் விவசாயிகள் கடன் தள்ளுபடி செய்யப்பட்டுள்ளது. கர்நாடகவில் பா.ஜனதா ஆட்சி மூலம் காவிரி தண்ணீர் உறுதியாக வரும் என்ற நம்பிக்கை உள்ளது.

கர்நாடக தேர்தலுக்கு முன்பே அங்கு பா.ஜனதா ஆட்சி அமையும் என்று நான் கூறியிருந்தேன். முதல்வர் எடியூரப்பாவிடம் காவிரி பிரச்சினை, இரு மாநில உறவு பிரச்சினை, தமிழ் சொந்தங்களுக்கு உள்ள பிரச்சினை குறித்து பேசுவேன். இன்னும் ஒரு மாதத்தில் அவரை சந்திப்பேன்.

காவிரி விவகாரம் முள்ளில் போடப்பட்ட சேலை போன்றது. இதை போட்டது தி.மு.கவும் காங்கிரசும் தான். அதை கிழியாமல் கவனமாக எடுக்க வேண்டும். இந்த முறை காவிரி தண்ணீர் கண்டிபாக வரும்.

தமிழகத்தில் எது தேவை,எது வேலை வாய்ப்பை கொடுக்கும் என்பதை மத்திய அரசு செயல்படுத்தி வருகிறது. மற்றவர்களின் சதி திட்டம் காரணமாக மக்கள் புறக்கணித்து வருகிறார்கள்.

ஒரு சுப நிகழ்ச்சிக்கு நான் போயிருந்தேன். அங்கு நடிகர் எஸ்.வி.சேகர் வந்தது எனக்கு தெரியாது. அவரை கைது செய்ய தமிழக அரசு நடவடிக்கை எடுக்க வேண்டும்.

இவ்வாறு அவர் கூறினார்.

முன்னதாக தஞ்சை சுற்றுலா பயணியர் மாளிகையில் மத்திய மந்திரி பொன்.ராதாகிருஷ்ணனை வைத்திலிங்கம் எம்.பி. மரியாதை நிமித்தமாக சந்தித்து பேசினார்.  #ponradhakrishnan #yeddyurappa #karnatakagovernor